انت مش طلقتني مالكش دعوه

رعد انت مش ممكن كل مناسبة بترجعلي ذكريات ليلة جوازنا . لما اخدتني لوحدينا وعملتلي فرح ليا لوحدي علشان تفرحني.
رعد بيضمها بحنان انا من يوم ماعرفتك ووعدتك اعوضك وانسيكي كل اللي عشتيه قلبي. وطول السنين دي ده كل هدفي وبتمني اكون قدرت احققه!
همسة قلبي انتي كل حياتي . انت ماضي وحاضر ومستقبل. انتي الحب . انا عشت الحب معاكي وعلي ايدك . 

انتي علمتيني الحب . خاليتي قلب رعد الحديدي الحجر يلين ويبقي في ايدك لين هين تشكليه علي كيفك تعملي فيه اللي علي هواكي. همستي انا مستحيل اشوف غيرك ولا احب غيرك. انتي وبس حبيبة وزوجة رعد الحديدي. قولتلك مافيش غيرك تملي مكانك. لانه كبييير اوي علي واحدة تانية.
همس حطت ايديها علي صدرها پألم واتألمت بخفوتااااه.
رعد پخوف شال ايديها وحط ايده مالك . ايه اللي بيوجعك! قولي بسرعة.
همس ابتسمت بوهن مافيش
ماتقلقش. ااانا بس مش متحملة كلامك وحبك ده. كمان فرحتي بشهاب. اليوم كله كتيير عليا اتحمله . انا كويسة .
رعد بقلق مش مصدق كلامها وبجدية الصبح هخدك علي المستشفي اشوف فيكي ايه! فاهمة . ده امر .
همس ابتسمت طيب براحة حاضر . بس انت اهدي.
رعد ضم وشها بړعب من انه ممكن يفقدها او حتي تتألم قصاده انتي مش لازم تتالمي. مش لازم تتوجعي. انا جنبك اتوجع بدالك . انتي لا انتي روحي ما اتحملش اشوفك پتتألمي ابدااا. كفاية اللي شوفتيه زمان .
همس ضمت ايده وباستها بحب طيب ويجي منين الالم والۏجع وانا في حياتي راجل مش اي راجل. ده ملك وانا ملكة في قلبه .
في الصباح سافر مؤمن شيري .مهاب چودي . علي تركيا علشان يقضوا شهر العسل بس تمارا رفضت تسافر مع شهاب. مش شايفة انها هتستمتع بشهر العسل بوضعهم ده. وشهاب ما الحش عليها لانه اللي يهمه انها تفضل هادية من غير انفعال. وعايز يحافظ علي الهدنة اللي هو فرضها اجباري عليها. لحد ما يقدر يعرف كل المستخبي.
بس قرر انهم يسافروا اوتيل رعد ابوه في مراسي. خصوصا انه موسم صيف وحفلات واهي تغير جو ويمكن يقربوا من بعض وتفتحله قلبها. وأنس كمان سافر معاهم هناك. 
......................................
في مستشفي رعد الحديدي.
رعد اخد همس وعملها كشف كامل وتحاليل واشعاات وكل شئ يطمنه عليها.
همس بتلبس هدومها وكالعادة رعد بنفسه بيساعدها ورفض اي حد من الممرضات يكون معاها ابدااا. هو متعته يعملها كل شئ بنفسه زي زمان ومن سنين لانه بيحسها بنته مش بس مراته.
همس بتبصله بحب وتتنهد. هي جواها احساس وشعور من شهور بالۏجع والتعب. بس كانت بتتعمد تخفي آلامها قصاده . للړعب اللي بيدب في قلبه ويغطي عيونه من الخۏف عليها.
همس ابتسمت حبيبي ليه بيتعب نفسه ما البنات كانت هنا هيساعدوني اقعد انت ارتاح.
رعد ابتسم وكملها لبسها بهدوء وفي النهاية بص في عنيها بحنان من امتي همسة قلبي بتنكشف علي حد غيري. وانا موجود. وبغيرة مچنونة . اقسم بالله انا بلعڼ نفسي اني ما اتعلمتش الطب بعد ما عرفتك علشان ما اخليش اي راجل مهما كان دكتور بقي اي زفت يكشف عليكي ولا يلمسك بس. يارتني كنت دكتور كنت عالجتك يا ملكة قلبي.
همس بدموع السعادة تعرف انا لو مۏت دلوقتي هكون مرتاحة وراضية وحمدا ربنا علي حياتي . انت عيشتني الدنيا بكل راحة واستمتاع. عيشت معاك اللي ماحدش عاشه وشفت معاك اللي ماحدش شافه. وكمان ولادي كلهم اتجوزوا وخصوصا اللي كان واجع قلبي شهاب . الحمد لله اتطمنت عليه . خلاص مش عايزة حاجة من الدنيا.
رعد اول مرة كلمة المۏت توجعه بالشكل ده. دايما بتضايقه بس المرة دي قلبه اتوجع بجد. قرب منها وضم وشها بحنان ملك مايلقش غير بيه هو وبس . رعد الحديدي.
رعد بلوم حقيقي وعتاب انا كام مرة قولتلك بلاش سيرة المۏت دي تاني. انتي عارفة اني بكره المړض اللي ممكن يألمك ويوجعك. يبقي ازاي هتحمل المۏت واني اتحرم منك. انتي ليه بتوجعيني!!... ليه مش قادرة تعرفي وتصدقي اني والله قلبي بجد. بيوجعني بحس بنغز في قلبي لما بسمع سيرة المۏت منك. همس انا من غيرك اضيع اقسملك مش هقدر اكمل.
همس ما اتحملتش وبكت پخوف عليه . هي فعلا لو جرالها حاجة رعد هينكسر.
همس بدموع عارف انا عندي رضي بقضاء ربنا ايا ماكان وعمري ما هطلب من ربنا اني ماموتش. لا. ده قضاء ويوم محسوب عند ربنا من قبل مااتولد. بس انا لو بتمني من ربنا شئ فأنا بتمني وبدعي انك ما تنكسرش. لاني عارفة ان كسرتك في فقداني. وانا برغم وقتها اني مش هكون معاك بس قلبي واجعني عليك من دلوقتي.
رعد بعصبية انا عايز افهم انتي ليه بتقولي الكلام ده دلوقتي لييه! انتي تعرفي حاجة عن حالتك ومخبية عليا.
الباب خبط وهمس بعدت عن رعد . رعد اتنهد وباسها من جبينها واذن للدخول. دخل الدكتور وده يبقي مدير المستشفي .
دكتور نصار متوتر مساء الخير يا رعد باشا.
رعد بحزم مساء النور. خير في اي نتائج!
نصار متردد احممم. الحقيقة لسة في بعض التحاليل والاشعة ظهرت والباقي طبعااا هياخد وقت.
رعد شاف شكله وتردده وعنيه اللي بتتهرب منه وخاېفة تقوله اللي هو جاي يقوله وخاېف مسك ايد همس وباسها برقة وابتسم. حياتي انا دقيقة وراجع ارتاحي