ادم اظن انه ان الاوان انك ترفعى
أدم ...اللي انا مستغربه بقا يا بابا هو لسة فيه بنات بتوافق علي عريسها من غير ما تشوفه ولا خۏفي تكون البت معيوبة ومخبيين
والدهمنير الالفي..يابني معيوبة ايه وحتي لو معيوبة دي بنت كمال العادلي واحنا محتاجين ابوها ..وبعدين البت كان ليها شرط واحد بس في اللي هتتجوزه
أدم ...شرط ايه بقا ياحج
أدم ....وانت قولتلهم ايه بقا عني
منير ...قلتلهم انك بتصلي الفجر حاضر
أدم ...يادي النيلة عليا وعلي سنيني .دانا مش عارف اتجاه
القبلة ف شقتي دانا عمري ما ركعتها
منير ...كنت عايزني اقولهم انك عمرك ما ركعتها صح وتطير المناقصة والشركة تفلس ونبقا احنا عواطليه ..بزمتك انت تستحمل انك تشتغل عند حد بعد ماكنت المدير العام لشركة معمار الالفي
منير ...بجد انت يا آدم اثبتلي انك راجل بجد لما وافقت
أدم ...ليه هو أنا ما قولتلكش يا حج
منير ...لا ماقولتش. أدم ...قول والمصحف
منير ...والمص....ايه يا ولد ماتتكلم علي طول
أدم ..أنا عندي شرط يا حجوج ..وشرطي اني بعد ما تكسب المناقصة وتقف الشركة علي رجليها مرة تانية ..أنا هطلق بنت العدلي واتجوز رنا
منير ...بحزن...انت لسة ماشي مع البنت دي يا آدم البنت دي ما تنفعش تبقا زوجة
أدم ...بجدية...بابا دا شرطي قلت ايه
منير..بقلة حيلة ...موافق...بقلك كمال العدلي عازمك بكرة علي العشا. وبالمرة تشوف العروسة لانك مش هتقدر تشوفها غير مرة واحدة لأنها منقبة
أدم ...اهو شفت منقبة اكيد وحشة ومنيلة بستين نيلة عشان كده مخبية وشها يارب عيني ع البلوة دي
_______________
وفعلا جي تاني يوم واستعد أدم للعشا ولكن جاله تليفون
أدم ... الو..روح قلب أدم من جوه
رنا بعياط وسهوكة ...كده يا ادم كده هتتجوز وتسيبتي اهيه واهيه
أدم ...لا لا متعيطيش أنا ما استحملش عياطك يا جميل .
دي جوازة كده وكده عشان ننقذ شركتنا وبعدين هطلقها واتجوزك انتي يا قمر وخدي التقيلة بقا بابا وافق علي جوزانا بعد ما يكسب المناقصة
رنا بفرحة...بجد يا دووومي احنا لازم نحتفل حالا
أدم ...ماهو. أنا كنت. رنا ...كنت ايه يا ادم لا لو ماجيتش أنا هنتحر واموت نفسي ايه المحڼ دا ابوكي علي ابو محنك يا شيخة
أدم ....لا لا قلبي الضعيف مايستحملش صلاة النبي احسن
خلاص انا جاي ان شاء الله عني ماشفتها
___________________
وفعلا نفض أدم للعشا عند عروسته وراح يسهر في الديسكو مع رنا فضلوا في الديسكو حوالي ساعتين
رن تليفون أدم
أدم ...ايوا يا حج
منير ...انت مچنون يا ابني الناس مستنينك ع العشا ما اتهببتش ليه ورحت زي ما اتفقنا
أدم عمل نفسه ناسي....ېخرب بيت مخك يا ادم ..اسف يا حج نسيت والله أنا رايح اهو
قفل أدم الخط واخد رنا ووصلها بيتها وراح لفيلا كمال العدلي كانت الساعة ١١بالليل
ادم ..السلام عليكم
كمال بترحيب ...وعليكم السلام ورحمه الله وبركاته..اتفضل يا ابني أدم كان مربي لحيته موضة طبعا
أميرة ...في سرها ماشاء الله ملتحي
لف أدم بنظره ف كل مكان وماشفش العروسة
كمال فهم أنه بيدور عليها
كمال بابتسامة .....اتفضل اقعد يا بشمهندس أدم معلش انت اتأخرت حبيبة بتنام بدري عشان بتصحي تصلي الفجر
أدم ....اممممم ...طيب ربنا يزيدها ...أنا اسف ع التأخير كنت في الشركة يخلص شوية اوراق
كمال....ربنا يوفقك انت موهوب يا ادم أنا شفت تصاميمك للمشروع ارض الاحلام مبدئيا بداية تبشر بالخير
أدم ....شكرا علي ثقة حضرتك دي شهادة اعتز بها
قعد أدم اتعشا ودردش كتير في الشغل ما كمال جذب كمال حب أدم للهندسة وإبداعه في الكلام عن التصاميم
_______________________
عدي اسبوع بسرعة وماحدش عبر أدم ولا عزمه تاني وهو كان غير مبالي تماما أنه يشوف العروسة وجه يوم كتب الكتاب والفرح
زهرة والدة ادم....اصحي يا ادم يا حبيبي انهاردة فرحك
أدم ...طب يا ماما ربنا يتمم بخير الف مبروك ...ونام تاني
زهرة خبطته بالمخدة ...يا واد اصحي مش وقت نوم لازم تظبط الفرح لانه هيبقا ف قاعتين
ادم...فاق ..نعممممم دا اللي هو ازاي يعني هو كل عيلة هتبقا ف قاعة ولا ايه
زهرة.....بتضحك....لا يا خفيف الستات في قاعة والرحالة ف قاعة فرح إسلامي يا اهبل
أدم .... والله عشت يا ادم ياللي خربها وهتشوف نفسك بتتجوز في فرح إسلامي فعلا اللي يعيش ياما يشوف
زهرة ...المهم راجعت جزء عم زي ما باباك قالك عشان لازم تصلي بيها انهاردة ...
أدم ....طبعا دانا بقالي اسبوع وانا بحفظ فيه وربنا يستر ..
___________________
وفعلا الفرح تم ع الطريقة الإسلامية وادم ما شافش حبيبة
خلص الفرح وادم اخد حبيبة ووصل العمارة اللي فيها شقته
وهو داخل قام حاضن عم عبده البواب وقاله ...والنبي يا عم عبده القبلة منين
الراجل اڼصدم حس أنه سمع غلط
كرر أدم سؤاله تاني فاشاورله عم عبده ع القبلة
طلع أدم وحبيبة الشقة واول ما دخلوا
أدم ...اظن انه بقا آن الأوان انك ترفعي النقاب عشان اشوفك دانا يعني زي جوزك ولا ايه
هزت راسها من غير ماتتكلم ورفعت النقاب أدم بص عليها
وبرق عينيه ............يتبع
والله لسة جاية ف بالي حالا قولولي عجبتكم اكمل ولا لا يهمني رأيكم والله كنت ناوية ما أنزل في رمضان ورايات بس شكلي مش قادرة استغني عنكم.
في انتظار تعليقاتكم.......بحبكمممممممم
جعلتني_ملتزما
بنت_الصعيد
البارت التاني
جعلتني_ملتزما
بنت_الصعيد
وفعلا الفرح تم ع الطريقة الإسلامية وادم ما شافش حبيبة
خلص الفرح وادم اخد حبيبة ووصل العمارة اللي فيها شقته
وهو داخل قام حاضن عم عبده البواب وقاله ...والنبي يا عم عبده القبلة منين
الراجل اڼصدم حس أنه سمع غلط
كرر أدم سؤاله تاني فاشاورله عم عبده ع القبلة
طلع أدم وحبيبة الشقة واول ما دخلوا
أدم ...اظن انه بقا آن الأوان انك ترفعي النقاب عشان اشوفك دانا يعني زي جوزك ولا ايه
هزت راسها من غير ماتتكلم ورفعت النقاب أدم بص عليها
وبرق عينيه
بص لقاها أية في الجمال كأنها حورية من الجنة عينيها زرقة زي السما وبيضة زي الفل كده وشفايفها زي الفراولة رغم أنها ماكنتش حاطة اي ميك اب
أدم ....انتي حقيقي ولا جرافيك ...ېخرب بيت امك صاروخ ارض جو
حبيبة پصدمة....نعم !!!!!!!
أدم....احم ما شاء الله تبارك الخالق
حبيبة نزلت وشها واتكسفت ...شكرا
أدم ....هي عنيكي دي حقيقي ولا لانسيز
حبيبة....والله حقيقي يا باشمهندس
أدم....نعم !!! بشمهندس ايه هو حضرتك متابعة ولا تهتي ف الطريق
حبيبة ببرأة ...مش فاهمة
أدم ....انا دلوقتي جوزك بصي أنا بقا مش هقولك يا حبيبة
أنا هاسميكي حورية علي جمال امك دا.. وانتي قوليلي يا سي السيد أدم
حبيبة پصدمة....نعم!!!
أدم ضحك ....بهزر يا بنتي ...قوليلي أدم عادي ساهلة اهي..
حبيبة....بابتسامة ...حاضر
أدم مسك أيدها اللي كانت لابسة جوانتي ابيض...تعالي اقعدي عايز اتكلم معاكي
قعدت حبيبة علي كرسي وهو علي كنبة
اسمعي يا حورية احنا طبعا اول مرة نشوف بعض انهاردة واول مرة نتكلم مع بعض ..ايه رأيك لو ندي بعض فرصة عشان ناخد علي بعض وكده يعني ...انتي فاهمة قصدي طبعا
رفعت حبيبة وشها وكانت مبتسمة ...وقالت ...فاهمة يا بشمهن......قصدي يا آدم
أدم في سره ...يخربيت أدم وهي طالعة من بؤك..طب اقوم أحضنها دي ولا اعمل فيها ايه....وفجأة قال وحياة ابوكي ما تقولي أدم تاني
بصت بحزن ....ليه هو أنا غلطت ف
حاجة
أدم ....لا أنا
اللي هعيط لو فضلتي بالهدوء دا
حبيبة...اتكسفت وحطت وشها في الأرض
أدم ....بصي بقا دي هتبقى اوضتك فيها حمام وكل حاجة انتي تحتاجيها ودي بقا اوضتي أنا ...ها محتاجة اي حاجة لاني تعبان وعايز انام
حبيبة...ممكن اطلب منك طلب يا آدم
أدم ...اومري. حبيبة....ممكن تصلي بيا اول ركعتين في حياة اي اتنين متجوزين وبعدها نصلي قيام الليل لاني سهرت كتير انهاردة ويمكن ما اقدرش اصحي اصلي قيام الليل قبل الفجر
أدم .....اكيد طبعا انا ازاي نسيت حاجة زي كده...طب يلا قومي اقلعي بقا
حبيبة پصدمة....نعم!!!!!!!
أدم ....قصدي غيري هدومك ...ادخلي ..الاوضة ..غيري فستان الفرح
حبيبة... حاضر
أدم يالهوووووي عليك وعلي سنينك يا آدم شكلها هتخليني اعك الدنيا ...لا يا آدم اجمد كده وخليك راجل شهم البت بسكوتة وبريئة وملهاش ذنب في لعبتك انت وابوك لازم تحافظ عليها ...ايوا صح أنا كده كده هطلقها واتجوز رنا فيبقا نلم نفسنا ونلزم حدودنا
يووووه ماهي بنت الرفضي دي كلامها وهدؤها يدوب اي حد الله ېخرب بيت جمال امها
وفجأة مسك الفون بتاعه وراجع سورة الفاتحة وسورتين من قصاري السور كان بيسمع شيخ هو اصلا مش عارف اسمه بس حب يقلد طريقته كانت حلوة في تلاوة القرأن
دخل بعدها اتوضا وحبيبة اتوضت وصلي بيها ركعتين وبعدها قيام الليل كان يقلد صوت الشيخ اللي حفظ منه السور..وبعد ما خلصوا صلاة
حبيبة ....ما شاء الله يا أدم علي صوتك ربنا يحفظك انت تلاوتك زي الشيخ فارس عباد بالظبط
أدم...بغرور ....كل اصحابي بقولولي نفس الكلمة دي اني صوتي زي صوت الشيخ ااااا الشيخ ااااا اللي انتي قولتي عليه دا
ابتسمت حبيبة ...وقالت تصبح علي خير يا أدم
أدم .....لا استني انا مېت جوع روحي حضريلنا حاجة نكلها في اكل جاهز في التلاجة سخنيه
حبيبة....حاضر
جهزت حبيبة العشا اتعشوا ودخل كل واحد اوضته
حبيبة نامت علي طول هي مش متعودة أنها تسهر ابدا
اما أدم فكلم رنا
رنا ....ايوا يا خاېن
أدم ....ليه بس الغلط دا مانا سايبها وبكلمك اهو.
رنا....شكلها ايه حلوة ولا عرة.
أدم ....دي وحشة وشكلها ملخبط كده في نفسها يا سااااتر ماتقدريش تقعدي معاها دقيقتين هتخافي يا قلب أدم
رنا ..بفرحة ....بجد يا ادم هييييييح الحمد لله انها طلعت وحشة كده انا اطمنت انك عينك مش هتزوغ عليها... اومال هي متلقحة ف أنهي داهية
أدم....في اوضتنا وانا في الاوضة التانية فاكرة الاوضة التانية
رنا ....بس بقا يا شقي ...أنا هقفل طالما اطمنت أنها وحشة يلا بااااي
أدم نام ومافيش ساعة لقا حد بيهزه ...وبصوت رقيق بيصحيه
أدم ..أدم اصحي يا أدم
أدم فتح عينه وتقريبا كان فاقد الذاكرة ...انتي مين !!!! استعاد الذاكرة بسرعة
كده برضو يا حورية في حد يصحي حد بالطريقة دي
حبيبة ...أنا آسفة يلا قوم عشان صلاة الفجر هتفوتك
نفسي نصلي مع بعض
أدم بزهق ....وماله يا ختي وماله
حبيبة....ضحكت انت علطول كده بافيهاتك
أدم سرح في ام الضحكة اللي تطير العقل .....وقال ف نفسه والله ماليا دعوة لو عملتلك حاجة انا ھموت واعملها
وبعدين قال ....طب روحي انتي اتوضي يا حورية وانا هحصلك
وفعلا صلوا الفجر مع بعض ...دي تقريبا اول مرة أدم يصلي الفجر من لما اتولد
في الصبح صحي أدم بدري ولقي حبيبة محضرة الفطار فطر ولبس وطلع ع الشغل
__________________
في الشركة
وصل أدم الشركة وراح عند باباه الاول
منير پصدمة....أدم انت ازاي تسيب عروستك وتيجي الشركة يوم صابحيتك انت اټجننت
أدم ....بزهق والنبي تسكت يا حج وتخليك ف نفسك بقا
وبعدين يا منير يا الفي يا رئيس مجلس الإدارة ماتدخلش ف شغل البشمنهدس أدم الالفي اتفقنا كل واحد يبقا مسؤل عن شغله
منير ...قصدك ايه. أدم...... قصدي اني عارف انك رفضت رنا من الشركة وجبت مكانه ميرنا ..بس المفاجأة بقا أنه ميرنا صاحبت رنا وقالت لها عن كل حاجة ودا مخليني متمسك ب رنا اكتر من الاول
منير ....بكرة تعرف اني بعمل كل دا لمصلحتك يا آدم وانه رنا ماتنفعكش ...
أدم راح علي مكتبه ..وانشغل في الملفات والتصاميم وفجأة الباب بيخبط
ودخلت حبيبة كانت لابسة دريس واسع كافيه شيك اوي وخمار بني ونقاب كافيه وكوتشي بني وماسكة علبة غدا
أدم اتفاجئ جدا عمره ماحد افتكره وجابله غدا علي مكتبه
أدم ...ايه اللي جابك يا حورية
حبيبة....جبتلك الغدا يارب يعجبك
أدم ....انتي ازاي كده ...انتي حالة ماحصلتليش قبل كده ..تعالي يا حورية نتغدا مع بعض
حبيبة...لا أنا صايمة
أدم ...هو رمضان جانا ولا ايه اقسم بالله ماحد قالي
حبيبة ابتسمت ....لا رمضان ماجناش لسة بصراحة أنا صايمة عشان ربنا حقق حلمي واتجوزت راجل ملتزم زي ما كنت بتمني ...تعرف يا أدم اختي مريم كانت ملتزمة اكتر مني بكتير ..بس اتجوزت سليم وسليم كان بيصلي يوم واتنين لا كان كسول اوي تتصور يا آدم بعد فترة مريم تبقا زيه ودا اللي كان مخوفني طول الوقت
كلام حبيبة كان زي السكاكين اللي بتقطع ف قلب أدم ...وقال في نفسه ....اومال لو عرفتي اني خاربها وعمري ما ركعت ولا قريت قرأن دا مش بعيد تولعي في نفسك بجاز ۏسخ ....علي رأي الكبير ..دا بينله هيبجا مرار طافح...
حبيبة...أدم انت سرحت ف ايه كل قبل ما الاكل يبرد
أدم....انا كده تعبتك انتي وصايمة صح
حبيبة....مافيش تعب ولا حاجة يا آدم
أدم ...لا جهزي نفسك هاخدك افطرك برا
حبيبة...بخجل ...ما اقدرش اكل برا البيت أنا لابسة نقاب يا آدم ومش بكشف وشي قدام اي حد
أدم ..ابتسم علي برأتها ....خلاص ولا يهمك أنا هشتري اكل جاهز وناكل سوا لما ارجع ...وانا هحاول ارجع قبل المغرب ...اوك
حبيبة....ابتسمت ...اوك هامشي انا بقا علشان اسيبك تشتغل
أدم.... بالحق انتي جيتي ازاي
حبيبة...كلمت بابا وبعتلي عربية والسواق مستنيني تحت
أدم بصرامة....تاني مرة لما تحبي تخرجي تكلميني أنا ...انتي دلوقتي مراتي يعني طلباتك انا اللي انفذها مش باباكي اوك
حبيبة....أنا آسفة والله ما قصدت ازعلك يا آدم
أدم بيمثل.... لا أنا زعلان تعالي صالحيني
حبيبة....ببرأة ...قولي اصالحك ازاي وانا موافقة
أدم. .....قربي تعالي
حبيبة مطيعة قربت....مد خده وقالها هاتي بوسة بقا
حبيبة اڼصدمت من جرأته
أدم ....هتبوسي ولا ابوس انا راحت بسرعة باسته ف خده وطلعت تجري زي الهبلة وادم سخسخ ضحك عليها
اكل بسرعة وكان مستمتع جدا بالاكل اللي كان طعمه يجنن وبعدين رجع يشتغل تاني وفجأة الباب ينفتح ويدخل شخص
..........أنا مين !!!!!!!!..
في شركة معمار الالفي
أدم بيمثل.... لا أنا زعلان تعالي صالحيني
حبيبة....ببرأة ...قولي اصالحك ازاي وانا موافقة
أدم. .....قربي تعالي
حبيبة مطيعة قربت....مد خده وقالها هاتي بوسة بقا
حبيبة اڼصدمت من جرأته
أدم ....هتبوسي ولا ابوس انا راحت بسرعة باسته ف خده وطلعت تجري زي الهبلة وادم سخسخ ضحك عليها
اكل بسرعة وكان مستمتع جدا بالاكل اللي كان طعمه يجنن وبعدين رجع يشتغل تاني وفجأة الباب ينفتح ويدخل شخص
..........أنا مين !!!!!!!!
رفع أدم رأسه ولقي صاحب عمره مروان اللي كان مسافر يعمل ماجستير ودكتوراه في إدارة الأعمال في لندن من اربع سنين ..مروان قبل ما يسافر اشتغل سنة بعد التخرج في شركة والد أدم
أدم.....ېخرب بيت سنينك انت رجعت امتي يا ياض يا مروان
مروان .....لسة نازل م الطيارة حالا وصلت الشنط وجيتلك يا بيبي
أدم .....اااااه كانت واحشاني اوي الكلمة دي منك يا
قلب البيبي....ضحكوا هما الاتنين
أدم
.والله زمان ياض يا مروان وايه النضافة دي شكلك صارف يا معلم
مروان ....انت مش هتتغير ابدا بتقل ډم امك دا
أدم....ماتلم نفسك يالا
مروان بحزن.....اخبار الشركة ايه دلوقتي
أدم ....احنا بنقع يا مروان الشركة پتنهار ..من يوم حاډثة الاسمنت المغشوش والعمارات اللي بنيناها اڼهارت ووقعت وسمعتنا بقت ف الأرض ..والله يا مروان أنا اللي كنت مسؤول عن شحنة الاسمنت ودخلتها المستودع بايدي وتممت عليها وكانت سليمة مية ف المية
مروان ....مصدقك يا صاحبي ..أنا عارف انك عمرك ما تعمل حاجة زي دي وتبوظ سمعة الشركة بس الشرطة عايزة دليل ملموس يا آدم
أدم ....وديني لو عرفت مين اللي فرغ كاميرات المراقبة بتاعت المستودع ما هرحمه ابدا ...
مروان ....حس أنه أدم مضايق ف حب يخرجه من زعله هو عارف اد ايه مكسور من يوم اللي حصل ف الشركة
مروان..بسهوكة زي البنات...ايه اللي ف ايدك دا يا بيبي كده تبعني وتخطب غيري
أدم بص للدبلة ...وقاله انت عبيط الدبلة ف الشمال يعني اتجوزت
مروان اڼصدم ....رنا !!!!
أدم ...لا اتجوزت بنت العدلي عشان أنقذ الشركة بابا متخيل اني لما أبقا جوز بنته هيتنازل عن مناقصة ارض الاحلام
مروان ....وانا دا رأيي برضو ماهو هيحب يرفرحك عشان تريح بنته بس تصدق أنا مبسوط لك يا ياض يا آدم اخيرا قدرت تخلع من الزفتة رنا
أدم بعصبية .....مروان ألزم حدودك واوعي تغلط ف رنا ...أنا متجوز بنت العدلي مؤقتا لغاية الصفقة ما تتم وبعدها هطلقها واتجوز رنا
مروان بعصبية اكتر ....تصدق انت عيل جبان ومالكش اي لزمة انت ازاي متجوز وتسمح لنفسك تمشي مع واحدة زي دي
أدم بزهق .....أمشي من هنا وماتجيش تاني يا مروان
مروان ......أنا ماشي بس راجع تاني استلم شغلي بكرة ...علي قلبك يا معلم وضحك ومشي
كمل أدم يومه في الشركة مابين التصاميم والملفات وحاول علي اد مايقدر يخلص شغله بسرعة عشان يلحق يجيب اكل لحبيبة ويروح قبل المغرب
وفعلا جاب اكل جاهز من المطعم وكمان جبلها تمر بلح
وروح قبل المغرب
فتح أدم باب الشقة لقي ريحة مسك حلوة اوي خارجة من الشقة وصوت القرأن من التلفزيون يخلي اي حد يسمع الصوت دا يرتاح نفسيا
أدم ....السلام عليكم حورية ...لف بنظره ملقهاش في الصالة
راحلها المطبخ
أدم.... بتعملي ايه يا حورية خدي الاكل اهو حضري الاطباق وتعالي وكمان جبتلك تمر
حبيبة ...بابتسامة .....ربنا يخليك ليا يا أدم ..أنا بعمل عصير مانجو فريش
أدم ....اوك أنا هادخل اخد شاور ع السريع
حبيبة ....ماتنساش تتوضا يا أدم عشان نصلي المغرب جماعة
أدم ...حاضر
____________
وفعلا المغرب أذن وصلوا جماعة وحبيبة هتبدأ تفطر
قعدوا ع السفرة
حبيبة بدأت تدعي ...اللهم اني لك صمت وعلي رزقك أفطرت وبك آمنت وعليك توكلت ذهب الظمأ وابتلت العروق وثبت الأجر يا واسع الفضل اللهم اتنا في الدنيا حسنة وفي الآخرة حسنة وقنا عذاب الڼار
أدم كان بيسمع حبيبة وهي بتدعي وحاسس بسعادة مش
عارف سببها ..فطروا وبعدها حبيبة شالت الاكل ودخلت اوضتها جابت حاجة وخرجت
حبيبة ....أدم ممكن تقبل مني الهدية دي
أدم ....بص لقاه صندوق من الخشب العاج وعليه رسومات ارابيسك نقوش اسلامية..اخده وفتحه لقي مصحف جميل ..مسكه وفضل يتأمله
حبيبة....انا لما نضفت الشقة لاحظت أنه مافيش مصحف خاص بيك عشان كده جبتهولك
أدم بارتباك ...اصلي نسيت المصحف بتاعي في الفيلا ...بجد شكرا يا حورية ع الهدية الغالية دي
بالحق تعالي هنا
حبيبة...نعم
أدم......انتي جبتي فلوس منين ...اوعي تقولي اخدتي من ابوكي
حبيبة ....أدم أنا معايا فلوسي الخاصة ...أنا بشتغل
أدم ....بتشتغلي !!!!!! بتشتغلي ايه
حبيبة ...أنا خريجة السن قسم أنجلش ..ويشتغل مترجمة محتوي ع النت
أدم ...يااااه أنا كنت فاكرك خريجة دراسات اسلامية
حبيبة ...ليه يعني عشان استايل لبسي ..ليه يا ادم هو كل واحد بيلبس حسب دراسته ولا ايه ...الاحترام والعفة مالهاش علاقة انت درست ايه يا ادم
أدم...طب وانتي بتشتغلي ليه ع النت مانتي ممكن تلاقي شغل ف مكان افضل وبمرتب اعلي
حبيبة ....الشغل في الشركات يعني اختلاط وزمالة وانا بصراحة مش عايزة احتك بأي حد غريب عني ..
أدم سرح ف كلامها .وقال ف نفسه ...ياااه اد ايه انتي جميلة يا حبيبة وبتكبري ف نظري كل يوم يا ريت يا رنا لو كنتي زي حبيبة وعارفة حدودك في التعامل مع الشباب والصحوبية ...وياريت يا حبيبة كنت قابلتك قبل ما قلبي. يتعلق ب رنا ....
حبيبة .....أدم انت سرحت ف ايه
أدم....سرحت فيكي يا حورية يا مغلباني ...انتي حياتك كلها بقا صلاة وقرأن ونوم واكل بس مافيش حاجة تانية
حبيبة ببرأة ...لا مانا متابعة برنامج مصطفي حسني
وكمان متابعة مسلسل اسبونج بوب سكوير بانتس
أدم پصدمة....نعممممم!!!! دا متهيألي مسلسل كرتون صح يا حورية
حبيبة مسكت ايد أدم وقعدته جمبها ببرأة وقالت ...ايوا ايوا
أدم ....هو انتي عندك طفولة متأخرة ولا ايه يا حورية
حبيبة بجدية....لا يا ادم أنا بحب اسبونج بوب جدا دا شخصية وفية وصاحب صاحبه بيحب صاحبه بسيط جدا ومخلص جدا في شغله وكمان مخلص لمديره مستر سلطع
أدم عدل قعدته كده وعامل نفسه مهتم بكلامها ...
أدم بسخرية....ياااااه الموضوع كده يستحق الاهتمام دانا شاكلي كان فايتني حاجات كتير يا حورية لا لا من انهاردة أنا هتابع السفنجة الصفرا دي اللي بتقول حكم
حبيبة...ضحكت ....بجد كلامك بيضحكني يا ادم اسمه اسبونج بوب
أدم قرب اوي منها وهمس في ودنها....مانا عارف ولسة هيبوسها تليفونه رن
أدم اتحرج وبعد عنها .. وحبيبة اتكسفت ووشها جاب الوان .
أدم مسك الفون لاقي رنا اللي بتتصل اخد الفون ودخل اوضته...وبعدها بشوية خرج من اوضته ولابس ومتشيك
حبيبة .....انت هتخرج دلوقتي يا آدم
أدم .....اممم ..أنا خارج يا حورية علي ماتخلصي فرجة علي سبونج بوب عندي شوية شغل ....سلام يا حوريتي
حبيبة .....ابتسمت ....ربنا يوفقك. ...خلي بالك وانت سايق
___________
أدم وصل عند بيت رنا وركبت معاه العربية
أدم ....حابة تروحي فين يا رنون
رنا ....هيكون فين يعني ع الديسكو
بقلميايزيس بنت الصعيد
أدم ...بجد يا رنا أنا مصدع ممكن مانروحش انهاردة الديسكو
رنا .....الف سلامة عليك يا دوومي طب خلاص نروح نتعشي ف حتة هادئة
أدم ...اوك ....ساق ووصل عند مطعم فاخر ونزلوا
اول ما دخلوا شافوا مروان قاعد علي طرابيزة لوحده
رنا پصدمة ....مروان!!!!
أدم ....هو فين اه فعلا دا مروان تعالي نروحله
رنا ....هو جه امتي
أدم.... انهاردة الصبح
راحوا عند مروان
أدم .....مروان انت قاعد وحدك كده ليه مافيه حتت كتير هنا كنت جبت واحدة منظر كده
مروان تجاهل رنا تماما ....أنا ماليش في الحتت وانت عارف
رنا ......ازيك يا مروان
مروان مابصش عليها ...اهلا آنسة رنا
أدم احنا هنعقد معاك نسليك ونتعشي معاك
مروان ....لا مانا اتعشيت أنا ماشي سلام
أدم .....سلام يا اخويا ....أنا كمان اتعشيت يا رنا شوفي انتي هتاكلي ايه....
رنا بسهوكة وزعل مصطنع ....يا سلام يا سي أدم وانت من امتي بتتعشي بدري كده
بقلمي ايزيس بنت الصعيد
أدم ....اصلي حوري......قصدي حبيبة كانت صايمة انهاردة وافطرنا سوا
رنا .....مچنونة دي ولا ايه في واحدة تصوم يوم صبحيتها
أدم.....سرح ف حبيبة ....هو فعلا جنان
أدم طلب اكل لرنا واتعشت وبعدها اتحجج أنه تعبان وعايز يروح هو مش عارف ليه لما بيكون بعيد عن حبيبة بيقبي قلقان عليها مش عايز يسبها لوحدها ابدا
..أخد رنا وصلها
لغاية بيتها ورجع
البيت
لقي حبيبة لسة صاحية وبتقرا قرأن
أدم .....الله مانمتيش يعني يا حورية
حبيبة .....بصراحة كنت مستنياك كنت حابة اطلب منك حاجة
أدم ....اتفضلي يا حورية
حبيبة ....في أية في القرأن أنا مش فاهمة معناها في سورة الأنعام
الآية بتقول قال تعالي .....
ثمانية أزواج ۖ من الضأن اثنين ومن المعز اثنين ۗ قل آلذكرين حرم أم الأنثيين أما اشتملت عليه أرحام الأنثيين ۖ نبئوني بعلم إن كنتم صادقين 143 ومن الإبل اثنين ومن البقر اثنين ۗ قل آلذكرين حرم أم الأنثيين أما اشتملت عليه أرحام الأنثيين ۖ أم كنتم شهداء إذ وصاكم الله بهذا ۚ فمن أظلم ممن افترى على الله كڈبا ليضل الناس بغير علم ۗ إن الله لا يهدي القوم الظالمين 144 قل لا أجد في ما أوحي إلي محرما على طاعم يطعمه إلا أن يكون مېتة أو دما مسفوحا أو لحم خنزير فإنه رجس أو فسقا أهل لغير الله به ۚ فمن اضطر غير باغ ولا عاد فإن ربك غفور رحيم 145 وعلى الذين هادوا حرمنا كل ذي ظفر ۖ ومن البقر والغنم حرمنا عليهم شحومهما إلا ما حملت ظهورهما أو الحوايا أو ما اختلط بعظم ۚ ذلك جزيناهم ببغيهم ۖ وإنا لصادقون 146
طبعا أثناء ما حبيبة كانت بتقرا أدم حاسس أنه تايه في الكلام
ومش فاهم ولا حاجة هو تقريبا دي اول مرة يسمع الآية دي.
فجأة ادم بقا بيبربش ف عينيه يغمض ويفتح فيها وبيمثل أنه هيفقد توازنه
حبيبة اتخضت ...أدم مالك
أدم ....مش عارف حاسس اني..... اني .....وراح واقع علي الكنبة قال يعني أغمي عليه
حبيبة ....جريت عليه واتخضت اوي فضلت حضناه وتبكي
حبيبة ...أدم قوم يا آدم الله يهديك ....بالله عليك يا آدم فوق
حبيبة جريت جابت برفان وقربته من وش أدم وبرضه لسة ماصحيش
فضلت حبيبة حضناه وهو مستمتع جدا بالحضن دا ومش عايزها تسيبه
بس لما لقاها مڼهارة أدم خاف عليها وراح عمل نفسه بيفوق
أدم ....خير الله ما اجعله خير أنا فين أنا ايه اللي حاصلي
حبيبة قامت حضنته تلقائي ....أدم أنا اټرعبت عليك ...بالله
عليك يا آدم ما تعمل كده تاني. قام أدم كمان حضنها جامد كأنه بيقولها أنا معاكي ماتخافيش
بقلمي ايزيس بنت الصعيد
ادم ... أنا كويس ما تقلقيش أنا حاسس بس اني عايز انام هو طبعا بيهرب من تفسير الآيات
حبيبة....اكيد طبعا يلا هاوصلك اوضتك ..ومسكت أيده وساندتها علي كتفها واخدته علي اوضته ...نام ع السرير وغطته واطمنت عليه وخرجت عشان تنام ....
لكن أدم مسك الفون بتاعه هو كان فاكر اسم السورة بس اللي حبيبة عايزة تفسيرها سورة الأنعام وجاب الآيات وكتبها ع النت وفضل يذاكر في شرح الآيات لغاية الفجر ما أذن هو ليه بيحب يسعدها وينفذلها كل اللي هي عايزاه هو مش عارف الحقيقة ...راحت حبيبة عشان تصحي أدم اللي عمل نفسه نايم ....
صحي أدم بسرعة واتوضوا وصلوا وبعدها قعدها ع الكنبة وبدأ يشرح لها في تفسير الآيات وهي مبسوطة وطايرة من الفرح جوزها بيشرحلها قرأن الفكرة نفسها مخلياها تضحك تلقائي ..حبيبة فهمت جدا من شرح ادم اللي كان بيبسط لها كل حاجة...وبعدها شكرت ادم وكل واحد دخل اوضته ينام
حبيبة صحيت بدري بس سابت ادم ينام براحته عشان ما يتعبش حتي ماراحش الشركة
فضل أدم نايم لغاية بعد العصر ولما صحي من النوم
كان ماشي بيتمايل في الصالة لسة ما فاقش وفجأة يسمع صوت صړيخ من أوضة حبيبة
حبيبة بصړاخ.....ادااااااااااااااااام.....الحقنييييي.
في شقة أدم
حبيبة صحيت بدري بس سابت ادم ينام براحته عشان ما يتعبش حتي ماراحش الشركة
فضل أدم نايم لغاية بعد العصر ولما صحي من النوم
كان ماشي بيتمايل في الصالة لسة ما فاقش وفجأة يسمع صوت صړيخ من أوضة حبيبة
حبيبة بصړاخ.....ادااااااااااااااااام.....الحقنييييي
جري أدم علي اوضة حبيبة فتحها لف نظره بسرعة. وقال ....حبيبة
مالقهاش بس الصوت جاي من الحمام جري وقام دافع
باب الحمام برجله الباب انفتح بص أدم لقي حبيبة ملفوفة بفوطة كبيرةبشكير وهي تقريبا ماكانتش لازقة ف الحيطة لا دي كان فاضل شوية وتخترق جدار الحيطة
أدم بقلق....في ايه
حبيبة شاورتله علي الحيطة بص أدم لقي برص وزغ
أدم......في نفسه ....يالهووووي ياما دانا بټرعب من البتاع دا الله ېخرب بيتك يا حبيبة ..
لا يا آدم اجمد كده وخليك هيرو هيبتك هتقع في الأرض قدام البت الله يحرقك ....
.ېخرب بيتك يا حبيبة علي بيت اللي يعرفكأدم عنده فوبيا من البرص لانه هو وصغير لبس هدوم كان لازق فيها برص وفضل يمشي ف جسمه عشان كده پيترعب منه...
أدم ...اتصرف ازاي انا دلوقتي ....مسك ممسحة الحمام وقام موقع البرص ونزل عليه بالشبشب وفين يوجعك دمره نهائي ...
بص أدم لحبيبة وضحكته من الودن دي للودن دي تقولش الجندي اللي انتصر في حرب اكتوبر
أدم بابتسامة عريضة....قټلته ..هو تقريبا اول مرة ېقتل برص
حبيبة ...پخوف.....اه
انتهت لحظة الړعب وبدأت لحظة الإحراج والخجل
حبيبة وشها في الأرض مش قادرة ترفعه من الكسوف
أدم بصيصلها بنظرات جريئة ونسي نفسه وهو بيتأملها وفجأة اټجنن ولسه هيشدها ليه راحت هوب هبدت قفلت باندفاع الباب في وشه
أدم ...كان متوتر مش علي بعضه وعمال رايح جاي في الصالة وحاسس نفسه فاقد أعصابه ...فكر يخرج ويسبلها الشقة كده هيبقى امان ليها بس فجأة تليفونه رن
أدم بجدية....الو ..خير يا حضرت الظابط
بقلمي ايزيس بنت الصعيد
الظابط....بشمهندس أدم شكك كان ف محله مصادرنا أكدت أنه الاسمنت اللي دخل المستودع سليم تماما بس اللي بنيتوا بيه كان مغشوش ودا يثبت أنه الاسمنت اتبدل فعلا بس لسة مش عارفين مين ورا العملة دي
أدم...بسخرية....يااااه ايه الاكتشاف العظيم دا تصدق تستحق جايزة نوبل عليه
الظابط ....أدم بيه بلاش تريقة
أدم ...حضرتك الكلام دا انا قلته من سنة وماحدش صدقني جاي دلوقتي لما سمعتنا بقت ف الأرض تقولي انت برئ من التهم الموجهة اليك وعايزني اعمل ايه بقا المفروض ازغرط مش كده..ولا اوطي علي كعب جزمتك وأبوسه لانك واخيرا صدقتني
بقلمي ايزيس بنت الصعيد
الظابط....أنا مش هرد عليك لاني مقدر حجم خسارتك ..بس انا اتصلت أبلغكم اني فتحت تحقيق جديد في القضية وانا اللي همسكها بنفسي والمچرم هجيبه لو في سابع ارض
بس عايزك تتعاون معايا
أدم ....بشرط ...لو لقيت المچرم تسلمه ليا الاول
الظابط عشان يسايره...تمام...يلا سلام
أدم قفل الفون ولف لقي حبيبة وراه.
بقلميايزيس بنت الصعيد
حبيبة قربت منه ....والله يا آدم أنا مش بخاف من البرص بس هو اللي فجأة نزل من السقف علي جسمي وانا بستح.....ما كملتش كلمتها ولقت أدم بيحط أيده علي بقها يعني اسكتي وشدها لحضنه
أدم .....في نفسه....بس منك لله بطلي شرح تفصيلي أنا ما صدقت هديت ورجعت عن اللي ف دماغي
أدم ....بس بس اهدي يا حورية ...انتي عارفة اد ايه أنا اټخضيت لما سمعت صراخك ...أنا قلت البت اتكهربت ولا ولعت جوه
حبيبة بابتسامة رفعت وشها.... يعني قلقت عليا يا آدم بجد
بص أدم ف عينيها البريئة وكان نفسه ف حاجات كتير ....سكت شوية وبعدين قال طبعا دانا لو مربي كلبة وسمعتها بتصرخ هاتخضهو حب يهرب من موقف الرومانسية
عشان ما يتماداش
حبيبة .پصدمة وحزن ....ايه يعني أنا
عندك زي كلبة يا آدم .
أدم حس بحزنها وندم ع اللي قاله ....بهزر يا حورية انتي كل حاجة واخداها جد طبعا قلقت عليكي وانا عندي غيرك اقلق عليه ...يلا أنا داخل اخد شاور عشان نصلي جماعة
حبيبة ابتسمت وهزت رأسها بالموافقة ..طيبة اوي حبيبة اقل حاجة بترضيها
أدم ...بالحق بكرة الجمعة جهزي نفسك هنروح عند بابا في الفيلا نقضي اليوم هناك
حبيبة بفرحة ....حاضر
____________________
جي الليل بهدوءه وادم وحبيبة اكلوا وصلوا اتفرجوا علي اسبونج بوب مع بعض وبعدها دخل كل واحد على اوضته ينام الغريبة أنه رنا اتصلت علي أدم بس أدم طنش ومارضيش يرد
صحيت حبيبة الفجر وصحت أدم وصلوا ورجعوا ناموا تاني
في الصبح بقا
صحيوا وفطروا وبعدها لبست حبيبة دريس كحلي وعليه حجاب روز هادي ونقاب روز وكوتشي ابيض وشنطة بيضة كانت حورية بجد بقا
وادم كان لابس قبلها بساعة وركبوا العربية وراحوا فيلا منير الالفي..
في فيلا الالفي
وصل أدم وحبيبة الفيلا واستقبلتهم زهرة والدة أدم بترحيب حار و كارما اخت أدم كلية تجارة لسة بتدرس كانت فرحانة أنه اخيرا بقا ليها اخت لأنها وحيدة
قعدوا يرغو رغي بنات وزهرة
كانت مشركاهم في حواراتهم مع بعض حبيبة متدينة وملتزمة بس مش معني كده أنها خنيقة وډمها تقيل ومتهزرش بالعكس حبيبة مرحة وډمها خفيف جدا هي بس بتتكسف من أدم عشان كده مش فاكة معاه وادم كان قاعد مع والده بتناقشوا في حوار التحقيق الجديد في قضية شركتهم بس الغريبة بقا أنه كل شوية يلاقي نفسه ڠصب عنه بص علي حبيبة كأنه بيراقبها وكل ما يشوفها بتضحك يبتسم تلقائي لغاية ما والده لاحظ دا وكان مبسوط جدا
بعد كده استعد أدم وباباه لصلاة الجمعة في المسجد وحبيبة و زهرة وكارما صلوا جماعة مع بعض ..بعدها دخلوا يحضروا الغدا ...
أدم وباباه خلصوا صلاة الجمعة ورجعوا
منير ...تعرف يا أدم دي تاني مرة ابقي مبسوط لدرجة كبيرة بسببك
أدم ...اشمعني بقا عشان اول مرة اصلي في المسجد
منير...اه
أدم ...الفضل يرجع لحبيبة وخططك الجهنمية ...طب قولي بقا يا حجوج ايه المرة الأولى
منير .....لما مشروع تخرجك دخل مسابقة أفضل تصميم وطلع المركز الاول ...مين يصدق موهبة هندسية زيك مش لاقية إلا يقدرها
أدم ...بهزار....خلاص بقا يا حج طب اڼتحر يعني ولا اعمل ايه في نفسي ..وكمل بجدية ....بكرة إن شاء هنجح وهحقق حلمي انت مش بتثق فيا ولا ايه
منير ...اكيد بثق فيك
أدم ....طب كفاية نحنة بقا ويلا عشان انت جوعتني انهاردة بصراحة
منير ضحك علي ابنه اللي مش بيبطل هزار
أدم..دخل الفيلا....وقال بصوت عالي
حوررررية
والده بص لوالدته وقعدوا يضحكوا وحبيبة اتكسفت حتي أدم اتحرج قدامهم هو متعود يقولها كده بينهم مش قدام حد
تابع أدم بجدية ...حبيبة الغدا جاهز أنا مېت جوع.
حبيبة بصتله وابتسمت وقالت له تقبل الله منك يا آدم ..الغدا جاهز ع السفرة
قضت الأسرة اليوم مع بعض مابين الهزار والجد والرغي
وحبيبة مسكت كارما عصرتها لغاية ما اقنعتها أنها تلبس حجاب ..وفعلا كارما اقتنعت...خلص اليوم صلوا المغرب وسلموا علي بعضهم...ومشي أدم وحبيبة
في العربية
أدم بص ع النيل .....حبيبة تيجي نتمشي شوية ع الكورنيش
بصراحة مش عايز اروح دلوقتي ولا كمان ممنوع المنقبة تتمشي ع الكورنيش
حبيبة.....لا طبعا مش ممنوع ولا حاجة انا نفسي جدا اتمشي ع الكورنيش عمري ما عملتها
أدم بصلها پصدمة ورفع حواجبه ...وقال....حورية أنا متهيألي خروجك من البيت للمدرسة كان أكبر مغامرة ف حياتك
صح!!!
بقلمي ايزيس بنت الصعيد
حبيبة ....أنا فعلا عمري ما حصلت معايا اي مغامرة ف حياتي
أدم ...بس ډخلتي عالم أدم الالفي ملك المغامرات اقفي اتفرجي أدم الالفي هيعيشك كام مغامرة
أدم قال الكلمة دي من غير ما يحسبها ومن غير ما يفكر حتي ازاي عايز يعيشها مغامرات وهو هيطلقها بعد شهر
او اتنين
نزلوا يتمشوا ع الكورنيش جابوا درة وبياكلو حبيبة بتاكل من تحت النقاب
وفجأة
.......أدم ازيك
أدم پصدمة لانه عارفها ....احم مين حضرتك ...انتي تعرفيني
البنت...طبعا اعرفك انت نستني ولا ايه ومين دي شاورت علي حبيبة مامتك دي ولا ايه ....ازيك يا طنط
أدم ....أنا ما اعرفكش يا آنسة انتي مهندسة طيب لا صغيرة علي مهندسة
البنت ...يابني افتكر احنا بنتاقبل علي طول فين
أدم .....في سره....يا ليلة سودة علي دماغك يا آدم يادي الڤضيحة أو جلاجل...ېخرب بيتك يا جيجي الزفت غوري بقا
بصلها ببرأة وقالها ....طب انتي بتصلي في مسجد الفتح اللي تحت بتنا جماعة كل يوم
جيجي......سوري يا طنط ...أدم مسجد ايه هو أنا ولد احنا بنتقابل في الديسكو
في اللحظة دي حبيبة ما قدرتش تستحمل اكتر من كده
قامت مسكت البنت من معصمها جامد
وقالت بنبرة حادة...اهو انتي اللي ستين طنط بقا وبعدين مش عيب آنسة وبنت ناس تبقا بترمي نفسها ع الشباب بطريقتك دي ...افرضي انك وقعتي في ايد شاب مش محترم ولا يعرف ربنا غير جوزي أدم كنتي هتعملي ايه ولا تتصرفي ازاي
أدم ....سمعها بتمدح فيه وف تدينه ....فحس بقا أنه الشيخ محمد حسان ف قرارة نفسه .قال في نفسه ...احم اللهم زيدني تواضع
البنت جيجي كان شكلها ثانوية عامة واتخضت اوي لما مسكتها حبيبة وزعقت لها
جيجي...اااه ايدي بتوجعيني ...خلاص سيبي ايدي ..أنا غلطانة شكله مش هو
حبيبة سابتها ....وقالت بنبرة ڠضب ...روحي يا شيخة الله يهديكي
أدم اڼفجر في الضحك ....وقالها وااااااو شرسة دا اخرك في الشتيمة ....وقلد نبرة صوتها روحي يا شيخة ربنا يهديكي
بس بجد طلعتي شرسة
حبيبة ..ببرأة...اومال عايزني اشوفها بترخم علي جوزي حب.......كانت هتقول حبيبي بس اتكسفت وسكتت لانها مش حابة تبدأ بالاعتراف لادم أنها حبته
أدم حس بالكلمة من غير ما تقولها وملامحه اتبدلت للحزن وقالها ...يلا نروح
حبيبة ...ماشي
روحوا وادم كان مضايق جدا وحبيبة مش عارف هو ليه مضايق ولا عارفة تعمل ايه عشان تخرجه من الضيق دا أذن العشا وكان في مكتبه خبطت عليه عشان يصلوا جماعة فرفض وقالها عنده شغل مهم وقالها تصلي لوحدها هي ما اتضايقتش منه فهمت أنه متضايق وعايز يفضل لوحده
أدم بيكلم نفسه.....أنا عملت ايه ليه حابتني أنا ماكنتش مخطط كده ولا كنت عايزها تتعلق بيا ولا تحبني
اتنهد بصوت عالي ....حبيبة إنسانة نضيفة اوي من جوا ما تستهلش مني كده يا ريت ماكانتش رنا ف حياتي كنت كملت مع حبيبة أنا بحس بسعادة وراحة بال اوي معاها غير احساسي مع رنا خالص بس رنا هي اللي قلبي ...يارب اعمل ايه ساعدني يا رب أنا عايز انقذ شركتي من غير ما اكسر قلب حد وفجأة لقي نفسه بيمسك القرآن الكريم وبيقرا في سورة ياسين
وبعدها خرج لقي حبيبة محضرة له العشا ومغطياه وقاعدة في اوضتها
فتح الاوضة لقاها نايمة قرب منها وباس جبينها وقال....اسف وخرج من الاوضة
في شقة مروان اللي عايش لوحده لانه باباه ومامته ماتوا في حاډثة وهما راجعين من الحج واخته متجوزة عالم حفريات وعايشة في امريكا معاه ..
الساعة ١١بالليل جرس الباب ضړب
مروان كان بيراجع ملفات مهمة تبع شركة أدم شك أنه دا أدم اللي برا قام فتح الباب وكانت الصدمة
مروان ........في شقة مروان اللي عايش لوحده
لانه باباه ومامته ماتوا في حاډثة وهما راجعين من
الحج واخته متجوزة عالم حفريات وعايشة في امريكا معاه ..
الساعة ١١بالليل جرس الباب ضړب
مروان كان بيراجع ملفات مهمة تبع شركة أدم شك أنه دا أدم اللي برا قام فتح الباب وكانت الصدمة
مروان .......رنا
رنا....برومانسية.....ازيك يا مروان
مروان ....عايزة ايه انتي ازاي تيجي ف وقت زي دا
حاولت تدخل لكن هو سد الطريق بأيديه
رنا ...مش هتقولي اتفضلي
مروان .....أنتي ازاي عايزة تدخلي شقة شب عازب ف وقت زي دا
رنا...بخبث ...ايه خاېف عليا
مروان....خاېف علي نفسي ..اخلصي قولي عايزة ايه هنا ع الباب
رنا ....مش هينفع ع الباب دخلني بقا يا مروان
مروان.......انزلي قدامي جمب العمارة في كافيه يلا نقعد فيه وامري لله.
وفعلا نزلوا وقعدوا في الكافيه وطلبلها قهوة
مروان ...خيرررر
بقلميايزيس بنت الصعيد
رنا.....كنت حابة اشكرك يا مروان لأنك لغاية دلوقتي ماقلتش لادم اللي حصل بنا قبل ما تسافر
مروان ...قصدك اللي حصل منك لوحدك ولا نسيتي انك جيتيلي الشقة عشان تقوليلي انك بتحبيني أنا ومش بتحبي أدم ....تعرفي بقا انا ليه ساكت لغاية دلوقتي طبعا مش عشان سواد عيونك ..لا .انا ساكت عشان أدم صاحبي واخويا مش عايز اجرحه ومستني يعرف حقيقتك بنفسه
بس خلي ف بالك اني مش هسمحلك تتجوزي أدم لأنك متستهلوش
رنا ....مروان انا ندمت اني قلتلك كده انا دلوقتي بحب أدم بجد
مروان...نفسي اصدقك بس مع الاسف مش قادر...عارفة لوكنتي بتحبيه بجد كنت هساعدكم وكنت هاختفي من حياتكم للابد بس انا متأكد انك مصحبة أدم عشان فلوسه عشان بيصرف عليكي
بقلميايزيس بنت الصعيد
رنا وقفت مرة واحدة ....مروان انا مسمحلكش
مروان ...تسمحي ولا متسمحيش أنا كلامي خلص معاكي دلوقتي واوعي تفكري تاني مرة انك تيجي شقتي تاني لانك ساعتها هتندمي ..ورمي فلوس القهوة ع الطربيزة وسابها ومشي
رنا ....وديني يا مروان اللي ماندمتك
في شقة أدم
أدم لسة قاعد في المكتب وبيقنع نفسه بكل الطرق أنه حبيبة مش بتحبه ولا متعلقة بيه وفجأة سمع صوت قرآن الفجر...قرر يروح يصحبها قبل الأذان عشان يعتزرلها
وفعلا راح الاوضة ولقاها نايمة زي الحوريات هادية حتي ف نومها
أدم هزها بالراحة .....حبيبة ...حورية ..اصحي هنصلي الفجر
بقلمي ايزيس بنت الصعيد
نومها خفيف صحيت علي طول وبصتله وقعدت ع السرير فضلت تفرك في عينيها
أدم قرب جمبها .....حبيبة أنا اسف انا اتعصبت عليكي بس انا مضغوط في الشركة احنا بنمر بأزمة عشان كده لما تلاقيني متعصب اعرفي أنه من ضغط الشغل
حبيبة .....ابتسمت ....أنا مزعلتش منك يا آدم علي فكرة
بس ممكن اطلب منك ..ممكن لما يكون عندك مشكلة أو مضايق تيجي تحكيلي اعتبرني صاحبتك...سرح أدم في كلامها وقال ياااه رنا عمرها ما سألتني حتي عن اخبار الشركة اد ايه يا حبيبة قلبك كبير
أدم ابتسم وهز رأسه ....حاضر
وفجأة حبيبة تحط أيدها علي صدر أدم وتبدأ تقراله الرقية الشرعية بصوت واطي بس هو كان سامعه وكل ما يركز في كلامها يرتاح اكتر كانت مغمضة عينيها وبتقرا خلصت الرقية وشالت أيدها من علي صدره وفجأة أدم يحضنها جامد
أدم ....أنا اسف بجد يا حبيبة سامحيني
حبيبة....بلهجة جديدة جدا علي أدم.......ما خلاص بقا يعم قلنا مش زعلانين لزمتها ايه بقا النحنحة دي
أدم اڼصدم وبعد عنها ومسكها من تيشيرت بيجامتها وقال
انت مين ياض....ما انتي طبيعية زينا اهو مش ملاك يعني
حبيبة ضحكت ...مين قالك اني ملاك
أدم ...اومال الهدوء بتاعك دا اللي مش قادر اقولك بيعمل فيا ايه
حبيبة ضحكت...عروسة بقا وبتكسف...إنما قولي بيعمل فيك ايه
أدم ...بس يا بابا انتي لسة صغيرة ع الكلام دا
حبيبة ...بالله عليك يا آدم قولي بيعمل فيك
أدم أنقذه صوت الاذان ...يلا يا لمضة الفجر أذن هنروح نصلي
وقف أدم ووقفت جمبه حبيبة اللي اتشعبطت وحضنت دراعه ويصتله بابتسامة وعينيها كانت بتلمع
أدم فضل باصص لها ومركز اوي في عينيها وهي بتهرب من عينيه وبتبص علي كل مكان الا عينيه
أدم في نفسه.....هو بغبوته الحب اللمعة اللي ف عينيكي دي يا حبيبة مالهاش غير تفسير واحد انك وقعتي ف غرام الادم...شكلي هشوف ايام سودة ...ربنا يستر
بقلميايزيس بنت الصعيد
حبيبة ...ساكت كده ليه ..لا اسكت الله لك حثا
أدم بصلها بصة رجولية ......فإذا وقفت أمام حسنك صامتا فالصمت في حرم الجمال جمال
حبيبة ابتسمت وقالت ...ماشي يا استاذ نزار قباني يلا نتوضا
أدم ..ضحك وقال...قدامي يا حافية القدمين
اتوضوا وصلوا وبعدها حبيبة كانت هتدخل اوضتها بس وقفها صوت أدم
أدم ...حبيبة حبيبة ...نعم
أدم ....انا لسة مضايق
حبيبة....ابتسمت ...طب وعايزني اعمل ايه يا آدم
أدم ....عايز انام عندك في الاوضة بأدبي والله بس عايزك تقريلي الرقية اللي قريتها لي من شوية
حبيبة ...بس كده اتفضل
وفعلا راحوا ناموا في أوضة حبيبة حبيبة كانت متوترة جدا من قرب أدم منها دي اول مرة ينام جمبها أما عن أدم فنام علي طول بمجرد ما اخدها ف حضنه وكانت بتقراله الرقية
حبيبة فضلت صاحية للصبح ماجهاش نوم
صحي أدم الصبح لقاها راحت في النوم مارضيش يصحيها
لبس وكتبلها ورقة ونزل شغله
صحيت بعد ساعة تقريبا ملقيتش أدم جمبها بس لقت ورقة قريتها كان كاتب
صباح الخير يا حورية ماتقلقيش انا نزلت الشغل وما رضيتش اصحيكي لأنك طول مانتي جانبي مانمتيش امبارح..حبيبة اتكسفت اوي لأنها افتكرت لما كانت بتمشي صوابعها علي وشه وكمان باسته في خده
حبيبة.....ابتسمت ....يادي الكسوف.
في شركة أدم
بقلمي ايزيس بنت الصعيد
أدم ومروان قاعدين ف مكتب أدم بيراجعوا ملفات فجأة الباب يخبط وتدخل كارما
كارما اتجاهلت مروان كأنه مش موجود ياتري ليه....صباح الخير يا آدم أنا جاية اتضرب في الشركة هنا عشان بابا مارضيش يخليني اتضرب مع صحابي ف البنك
أدم ....كارمااا هو مروان بالنسبة لك خيال مختفي يعني مش شايفاه
كارمااا.....بضيق ....اهلا استاذ مروان.
مروان ما قدرش يمسك نفسه من الضحك لف وشه الناحية التانية وكتم ضحكته علي اد ما يقدر.
أدم ...بشك...مش عارف ليه شامم ريحة حاجة غريبة بينكم
انتوا شوفتوا بعض قبل كده
الاتنين ف صوت واحد.......لا
أدم ...غريبة دي ....طب ع العموم يا كارما مروان هو اللي هيتولي تدريبك ف الشركة هو مدير قسم الحسابات واكتر واحد أنا هطمن انك معاه
كارما ....لا أنا مش عايزاه يضربني شوفلي حد تاني
أدم ....أنا قلت مروان
كارما ....يوووووه فين الزفت المكتب وخرجت بسرعة
مروان ضحك بصوت عالي
أدم ....هو فيه حاجة يا اخ
مروان ....لا ابدا ايشطا
أدم ....اومال ليه الباشا قالب ع كوميدي انهاردة
مروان....الله مبسوط يا اخي ما انبسطش..أنا قايم اشوف اختك لتعك الدنيا لانها مچنونة زي اخوها
وقف وقال هو منير بيه خلف غير عاهات أنا قادر ع ابنه لما كمان اتدبس في بنته
أدم .....الرد علي السفيه السكووووت لذلك No comment
وصل مروان عند الباب وقال....بالحق جهز نفسك بالليل حفلة شباب وبس يعني ماتجيبش رنا اوك
أدم ...غور كاتك البلا
عند مروان وكارما
كارما كانت بتاكل سندوتشات لانه ما فطرتش مروان حي يضايقها
مروان .....انتي خارجة في فسحة ايه الفجعان دا لحقتي تجوعي
كارما نفخت ....اووووف استاذ مروان ممكن مالكش اي كلام معايا في ام الشركة دي ....عينيها دمعت
بقلمي إيزيس بنت الصعيد
مروان حس أنه زودها معاها ....خلاص اهدي انتي هتعيطي ..مبروك ع الحجاب ربنا يثبتك
كارما ....هديت شوية ....شكرا
عدي النهار علي ابطالنا بسرعة وهما مشغولين في
حياتهم
بالليل بقا في بيت أدم
حماته أميرة وبنتها مريم راحوا يزوروا
حبيبة ف شقتها
أدم كان لابس ومتشيك ومستعد لحفلة الشباب بس كان محرج يستأذن
مريم اخت حبيبة بس مرحة وبتحب الهزار..بصوت عالي .....عريييييس تعالي هنا
أدم الهزار لعبته ....مثل كأنه طالب خاېف من الابلة اللي هتضريه وصل عند مريم وحاطط ايديه في جمبه وراسه ف الأرض وقال....نعم يا أبلة
مريم ضحك بصوت عالي وقالت .....والله عسل يا آدم دانت شكلك حكاية ...المهم اوعي تكون زعلت البت والله اضربك
أدم .....وانا اقدر ازعل البسكوتة دي ...طب تيجي ازاي دي
ضحكوا كلهم ومريم غمزت لحبيبة اللي اتكسفت
حبيبة ....أدم روح انت المشوار بتاعك عشان متتأخرش علي حفلة صاحبك
أدم ما صدق حبيبة قالت كده وعلي طول خلع من ام الاحراج دا.
أميرة......همست لحبيبة ..ها ايه الاخبار أدم كويس معاكي
حبيبة ببرأة ....اه يا ماما بنصلي مع بعض وبنقرا قرأن بجد أنا مبسوطة اوي مع أدم ربنا يخليه ليا يا ماما
أميرة ....طب الحمدلله انك مبسوطة يا حبيبتي ربنا يديمها نعمة عليكي
مريم وحبيبة ....امين يارب
في الحفلة
اجتمع الشباب أدم ومروان واتنين صحابهم من أيام الجامعة وقرروا يسهروا في الديسكو
دخلوا ولسة هيهيصوا لكن أدم بص لقي رنا بترقص مع اتنين شباب ولابسة لبس استغفر الله العظيم يظهر اكتر مما يخفي
أدم مسكها من أيدها بعصبية وشدها لبرا الديسكو
رنا كانت تقريبا سکړانة.....انت عايز مني ايه انت اټجننت
أدم .....انتي اللي اټجننتي انتي ازاي تسمحي لنفسك تلبسي لبس زي دا وتخرجي عادي من البيت اصلا
وكمان بترقصي مع اتنين شباب انتي زودتيها اوي
رنا بقا اتسهوكت وعيطت ....من حقي اعمل كده انت خلاص ضعت من ايدي يا جماعة حد ېقتل البت دي
أدم ...هدي شوية ...مين اللي قال كده رنا أنا لسة بحبك
رنا انتي لازم تتغيري ..ايه رأيك تلبسي حجاب هتبقي زي القمر فيه يا رنا وماتجيش الديسكو تاني ها موافقة
رنا ضحكت بسخرية .....انت فاكر نفسك افضل مني يا آدم لا أدم انت واحد صايع وهتفضل طول عمرك كده اوعي تفتكر عشان بتمثل علي مراتك تبقا صدقت نفسك أن ملتزم انت شيطان يا آدم فاهم شيطان اوعي تقارن بيني وبين الغبية المعقدة اللي معاك دي
أدم مااستحملش تغلط في حبيبة وبكل قوته راح مديها بالقلم علي وشها وقعها ع الأرض ..وقال ....تبقي انتي اللي اختارتي يا رنا...وسابها ومشي
بقلميايزيس بنت الصعيد
وصل الشقة ضړب الجرس فتحت حبيبة واهلها كانوا مشيوا وشافت منظره وقلقت عليه ....أدم مالك في ايه
كان عينيه حمرا شكله معيط
راح اترمي ف حضڼ حبيبة وهي حضنته جامد أدم طويل جدا وعريض علي حبيبة فوشها كان مدفون في صدره ومش قادرة تتنفس ولا قادرة تخرج من حضنه من كتر ما حاضنها جامد وبعد حوالي دقيقة ولسة حاضنها حس ان ايديها سابته وحبيبة تقلت بين أيديه وهبطت
أدم بعدها لقاها مغمضة عيونها ومش بتفتح قلق اوي
اټجنن ايه حصلها كانت كويسة
أدم...... حبييييييييييييييبة. ..
وصل ادم الشقة ضړب الجرس فتحت حبيبة واهلها كانوا مشيوا وشافت منظره وقلقت عليه ....أدم مالك في ايه
كان عينيه حمرا شكله معيط
راح اترمي ف حضڼ حبيبة وهي حضنته جامد أدم طويل جدا وعريض علي حبيبة فوشها كان مدفون في صدره ومش قادرة تتنفس ولا قادرة تخرج من حضنه من كتر ما حاضنها جامد وبعد حوالي دقيقة ولسة حاضنها حس ان ايديها سابته وحبيبة تقلت بين أيديه وهبطت
أدم بعدها لقاها مغمضة عيونها ومش بتفتح قلق اوي
اټجنن ايه حصلها كانت كويسة
أدم...... حبييييييييييييييبة
شالها ادم وحطها علي الكنبة وبدأ يفوقها وجاب برفان كان قلقان عليها جدا زي ماتكون بنته
وبعد فترة مش طويلة فاقت حبيبة ..ادم اطمن بس لسة كانت عينيه مليانه قلق
ادم....حبيبة انتي كويسة
حبيبة هزت راسها يعني ايوا
ادم بقا ماحبش يبين قلقه عليها...فقال.
ادم ....دانتي يا حورية طلعتي خفة اوي بقا من حضڼ واحد ټنهاري مني كده ويغمي عليكي اومال لو كنت بوستك كنتي هتعملي ايه اكيد كنا هنطلب لك الاسعاف
حبيبة اڼصدمت من كلامه وحبت تبرر موقفها.....ادم انت فاهم غلط وربنا انا.....قطعها ادم وخلهاش تكمل
ادم...بس بس ما تحاوليش تبرري انتي مش قادرة تقاومي سحري انا عارف
حبيبة اتعصبت بقا وفضلت ټضرب بايديها الصغيرة في صدر ادم ....انت ظالم ليه مش مديني فرصة اشرحلك
ادم بيضحك ...ما تحاوليش مش هصدق
حبيبة اتعصبت بجد....وعلت صوتها...ادم انت كنت حاضني جامد وكاتم نفسي ما عرفتش اتحرك ولا اتنفس..بس دي كل الحكاية..
ادم ....بجدية ....انتي كويسة دلوقتي
حبيبة...امممم
ادم ....تمام قومي بقا حضري لي العشا مدام انتي كويسة
حبيبة ....وهي بتقوم...وحاضر
ادم مسك ايدها....انتي بجد كويسة
حبيبة هزت راسها يعني ايوا
رواحت تحضر العشا...ادم فونه رن
ادم ....عايز ايه
مروان....كده بقا يا ابو الندالة تسيب الحفلة كلها وتمشي من غير ما تقول
ادم ....مشيت من ام فقرك علي فقر صحابك ل
اللي دمهم يلطش
مروان فهم انه ادم مش عايز يحكيله اللي حصل مع رنا بس مروان اصلا كان مراقب الموقف كله وشاف كل حاجة...
مروان...بسهوكة....كده يا بيبي انا زحلانة منك خالص مالص ومخمصاك
ادم ....ضحك.....وانا اقدر برضو علي زعلك يا قلب البيبي
في اللحظة دي حبيبة دخلت تقول لادم العشا جاهز وسمعته واڼصدمت بحزن
ادم....بصلها....طبعا لو حلفتلك بأي حاجة انه دا مروان صاحبي وبنهزر مع بعض مش هتصدقي ...لذلك اتأكدي بنفسك وفتح الاسبيكر
ادم ....مروان كلم حبيبة
مروان....ازيك يا حبيبة مبروك ع الجواز ربنا يسعدكم انتي والبيبي ههههههه
حبيبة ...ضحكت بصوت عالي ....وقام ادم قافل التليفون في وش مروان وقرب منها
ادم ....ممكن تعمليها صيلانت silent
حبيبة ابتسمت....هي ايه دي
ادم ...ضحكتك اصلها بتقتلني بالبطئ
حبيبة ابتسمت وقالتله ....طب بطل غلبة وتعالي نتعشا
حبيبة مش غبية هي فاهمة كويس انه ادم لسة محبهاش بعده عنها دا مالوش غير تفسير واحد انه مش بيحبها بس هي مش هتستسلم هي ماشية بمبدأ الاية الكريمة قال تعالي
ولا تيأسوا من روح الله ۖ إنه لا ييأس من روح الله إلا القوم الكافرون 87يوسف
ومبدأها هو لا يأس مع الحياه ولا حياة مع اليأس
اكلوا هما الإتنين وأثناء الاكل
حبيبة.....ادم ايه رأيك نعمل سباق مع بعض
ادم.....عايزة تجري دلوقتي يا حوية
بقلمي ايزيس بنت الصعيد
حبيبة ابتسمت ...لا مش سباق جري سباق حفظ قرآن
ايه رأيك نظبط المنبه علي نص ساعة نحفظ فيها اول خمس ايات من سورة البقرة
ادم بقلة حيلة ...موافق
وفعلا بدأو يحفظوا وبدأ العد التنازلي لنص الساعة
بعد نص ساعة. استووووووووووب
حبيبة ....سمع بقا يا ادم
ادم بدا يسمع ويتهته ويوقف ويغلط وعك الدنيا
جه بقا دور حبيبة
سمعت بكل ثقة وماغلطتش ابدا
ادم ...لا يا حورية انتي كده بتغشي انتي اما ذكائك خارق او كنتي حفظاها قبل كده
حبيبة....لاوالله يا ادم ما كنت حفظاها قبل كده
ادم ....اومال ايه السرعة دي كمبيوتر حضرتك
حبيبة ابتسمت.....ادم ممكن احكيلك قصة
ادم....احكي هو احنا ورانا حاجة
حبيبة ...اسمع ابيات الشعر دي اللي قالها الامام الشافعي رضي الله عنه
شكوت لوكيع سوء حفظيفارشدني الي ترك المعاصي
واخبرني بأن العلم نور ونور الله لا يهدي لعاصي
ادم ...التفسير بقا عشان صاحبك مش فاهم حاجة
حبيبة ابتسمت.....الامام الشافعي رضي الله عنه ربنا سبحانه وتعالي كان مديله نعمة وهي انه لو قرا صفحة من القرأن يحفظها تلقائي بعد قرأتها ..وفي يوم
من الايام كان ماشي وقدامه كانت ماشية ست فضل باصص علي كعب رجلها
ولما
روح البيت قرا صفحة من القرآن مرة واتنين وتلاتة وماقدرش يحفظها كالعادة ف راح لشيخه وكيع وحكاله عن عدم حفظه. ف وكيع قاله انه العلم دا نور من ربنا وربنا مش بيدي نوره للعاصي
سرح ادم في كلامها وقال ....هو انتي شايفاني ماشي بمۏت ف خلق الله يا حورية. دا انا غلبان ووديع وبصلي اهو
حبيبة....ادم ربنا بيقول في كتابه العزيز. فلا تزكوا أنفسكم هو أعلم بمن اتقى 32 النجم
والامام الشافي رضي الله رغم ايمانه وصلاح نفسه واخلاقه
كان ديما حاسس انه مقصر ف حق ربنا فما بالك ب احنا البشر العاديين نقول ايه ولا نعمل ايه تخيل الامام قال ايه
ادم باهتمام...... قال ايه....
حبيبة....قال احب الصالحين ولست منهم
لعلي انال بهم شفاعة واكره من تجارته المعاصي
ولو كنا سواء في البضاعة
تخيل رغم التزامه وايمانه كان حاسس انه مش من الصالحين
ادم بصلها......تصدقي بقا اني كان عندي حق لما سميتك حورية ...انتي جميلة اوي يا حبيبة
حبيبة ابتسمت وقامت من مكانها ....تصبح علي خير يا ادم
ادم ماردش كان سرحان في حبيبة تركيبة غريبة جدا أحيانا تحسها طفلة بريئة ساذجة واحيانا انسة جذابة ومغرية واحيانا عالمة وبتقول حكم .وزوجة مطيعة وصاحبة وفية .يااااه اد ايه انا كنت مغمي عينيا ومش شايف الملكة اللي معايا دي حبيبة حورية بكل معني الكلمة ...اما انتي يا رنا هعرف ما اخرجك من قلبي ازاي ..بعد تفكير وسرحان كتير دخل ادم اوضته ونام علي طول
______________________________
في الصبح في شركة الالفي
وتحديدا في مكتب مروان
كارما قاعدة ولابسة نضارة النظر بتاعتها اللي مخبية جمال عينيها وبتاكل سندوتشاتها.... دخل مروان
بقلميايزيس بنت الصعيد
مروان.......صباح الخير مفجوعة هانم ...
كارما......مش هرد
مروان....بصي يا كارما لو فضلتي بوضعك وكمية الاكل الرهيبة اللي بتفترسيها دي مش هنلاقيلك عريس هتعنزي يا كرملة
كارما......عيوطة اوي علي اقل حاجة بټعيط. ....عينيها دمعت
وقالت .....استاذ مروان ...مروان افندي....مروان باشا
مروان....حيلك حيلك ايه افندي وباشا محسساني اني في فيلم من ايام الاربعينات
كارما ....انا حذرتك قبل كده ماتتكلمش معايا الا في حدود الشغل. ..دموعها نزلت
مروان حس انه زودها حبتين.....خلاص اهدي انا بهزر معاكي
كارما...بعصبية .....لا يا مروان انت مش بتهزر انت قاصد تفكرني بالغلطة اللي غلطتها زمان .انا كنت صغيرة وما كنتش عارفة الصح من الغلط وحضرتك ما قصرتش
مروان.....كارما انا مش فاكر انتي بتتكلمي عن ايه
كارما......انت كداب يا مروان وياريت تخرج من هنا ولا امشي انا
مروان....علي ايه خليكي قاعدة وانا هاخرج شوية وراجع تاني تكوني هديتي
خرج مروان من المكتب وهو بيقول لنفسه ....كبرتي يا كارما وعقلتي ...شكلي هتعب اوي معاكي لغاية ما انسيكي الچرح اللي جرحتهولك زمان
في مكتب ادم
ادم كان قاعد ومركز اوي ف شغله الباب خبط كانت رنا
ادم قال ادخل من غير ما يبص
رنا .....هاي دووومي
بقلمي إيزيس بنت الصعيد
ادم ...بص لرنا من غير ما يرد وبعد كده بص تاني ف الورق اللي قدامه
رنا قربت منه ...اخص عليك يا دووومي مين اللي من حقه يزعل ...بص كده يا دوومي انت عملت فيا ايه
مسكت ايد ادم وحطتها هلي على خدها مكان القلم اللي انضربته امبارح
ادم بص لقي خدها وارم وتقريبا بقها ڼزف ډم
ادم بصلها ب وش خالي من التعبيرات .....اسف
رنا....انا سامحتك اعمل ايه بقا مش بعرف ازعل منك
ولسة هتبوسه قام بعدها عنه
ادم بهدوء.....اقعدي يا رنا عايز اتكلم معاكي
رنا قعدت
ادم ...رنا هو احنا لو اتحوزنا وخلفنا وقلتلك علمي اولادي الصلاة والقرآن هتعرفي
رنا ....طب وليه اتعب نفسي يا دوومي مانا اجبلهم شيخ يعلمهم
ادم ...طب وانتي مين هيعلمك
رنا...بعصبية....ادم انت البنت المعقدة دي عاملتلك ايه..عملتلك غسيل مخ بقيت كل ما تشوفني تقولي صومي صلي اتحجبي بقيت معقد زيها بالظبط
أدم.....بنفس الهدوء ....حبيبة مش معقدة انتي اللي خرباها يا رنا
واثناء ما بيتكلموا دخلت حبيبة ومعاها علبة الغدا لادم
حبيبة ....السلام عليكم ...أنا آسفة كنت فاكراك لوحدك أنا هستني برا لغاية ماتخلصي شغل
أدم ....حبيبة تعالي هي اصلا هتمشي...صح يا آنسة..
رنا .....اه فعلا أنا خلصت هو حضرتك المدام
حبيبة بابتسامة.....ايوا أنا
رنا...بخبث...طب ممكن تسمحيلي اشوف النجمة اللي خطفت أدم الالفي مننا
أدم.....هي مش بتكشف وشها للغربا
حبيبة .....أدم دي بنت زيي ....وقالت لرنا اكيد اسمحلك ورفعت النقاب
بقلمي ايزيس بنت الصعيد
رنا اڼصدمت من جمال حبيبة اللي فوق الوصف من غير ميك اب
رنا.....بصت لادم وقالت وحشة هه
حبيبة .....نعم!!!!!!!
رنا .....قصدي اي بنت قصادك هتبقي وحشة يا قمر ...يلا باااي....مشيت وهي لو في ايدها شوية مية ڼار كانت دلقتهم علي حبيبة
أدم .....أنا حاسس اني بتعبك علي طول يا حورية
حبيبة .....وانا بحب التعب دا اوي يا آدم
أدم ابتسم .....تعالي نأكل بقا بس بشرط أنا مش هاكل غير لما تأكليني انتي في بقي
حبيبة...بس كده دي سهلة اوي وانا موافقة
وأثناء ماقعدين بياكلو دخل مروان من غير ما يخبط هو متعود علي كده....مروان لمح وش حبيبة قبل ماتتخض وتنزل النقاب
مروان ....أنا اسف بجد ما كنتش فاكر انك هنا يا حبيبة
أدم ....عايز ايه يا زفت...وبعدين ايه حبيبة دي هي بتلعب
معاك في الشارع قلها يا مرات اخويا
مروان ...... ما اقولها احسن يا مرات ابني ايه البيئة دي ..
مروان وطي عند ودن أدم وهمسه.....بس ايه صاروووخ خسارة في جاتك
أدم ....ماتحترم نفسك يا بني ادم
بقلميايزيس بنت الصعيد
مروان .....بسهوكة أنا محترمة ڠصب عنك ڠصب عنك هه
حبيبة ما قدرتش تمسك نفسها من الضحك بس ندمت بعد كده هي مش متعودة تضحك بصوت عالي قدام حد بس ڠصب عنها
أدم بصلها بغيظ .....مش قلت اعمليها صيلانت silentيا حورية..ايه بيوزعوا نكت وانا مش واخد بالي ولا ايه
حبيبة بصوت واطي .... آسفة
مروان....الله اكل ما تخدوني اكل معاكم
حبيبة ....اكيد افضل انا اصلا ماشية عشان معطلش أدم
وقامت حبيبة لأنها هتمشي
بقلمي ايزيس بنت الصعيد
أدم همس لمروان ....متهيألي الاحساس نعمة
مروان ....اممممم الاحساس نعمة بس انا محروم منها
خرجت حبيبة برا الشركة
لسة هتركب العربية مالقيتش السواق اللي أدم مشغله مخصوص ليها
بصت يمين وشمال مالقيتهوش لسة هتطلع الفون بتاعها عشان ترن عليه ...لقت ايد جامدة بتمسكها وتشدها ناحيتها
حبيبة بصت پخوف شديد وقالت.........هشام. ..
خرجت حبيبة برا الشركة
لسة هتركب العربية مالقيتش السواق اللي أدم مشغله مخصوص ليها
بصت يمين وشمال مالقيتهوش لسة هتطلع الفون بتاعها عشان ترن عليه ...لقت ايد جامدة بتمسكها وتشدها ناحيتها
حبيبة بصت پخوف شديد وقالت.........هشام
هشام العدلي.....ايه يا حبيبة كده برضو اسافر شهر شغل ارجع الاقيكي متجوزة....نسيتي خطيبك ولا ايه اركبي يلا اركبي العربية...شدها من ايدها جامد حست انه ايدها انكسرت
حبيبة بدأت تبكي ومړعوپة من هشام لانها پتخاف منه مۏت
حبيبة....سيبني يا هشام سيبني الله يخليك انا مش خطيبتك وعمري ماكنت كده انت اتقدمتلي وانا رفضت ..بدأت تعلي صوتها...يا اداااااام ادااام
هشام.....انتي رفضتيني عشان مش بصلي صح
وبالنسبة لادم ايه امام مسجد ...ادم دا كان خاربها انا اكتر واحد اعرفه يلا اركبي وبلاش غلبة
بقلمي ايزيس بنت الصعيد
في اللحظة امن الشركة شكو انه في حاجة غلط هما يعرفوا حبيبة من استايل لبسها لانه محدش بيدخل الشركة باللبس دا غيرها
اتصل واحد منهم علي آدم اللي
